Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин Раил Шәмсетдиновка Дәүләт Советы депутаты таныклыгын тапшырды
Бүген Татарстан Дәүләт Советы Рәисе Фәрит Мөхәммәтшин Раил Шәмсетдиновка депутат таныклыгын һәм значогын тапшырды. Парламент башлыгы аның актив булуын һәм эшкә тиз катнашып китүен теләде, дип хәбәр итә ТР Дәүләт Советының матбугат хезмәте.
«Кадерләп тагып йөртегез!» – диде Мөхәммәтшин, депутат значогын тапшырып һәм парламент эшчәнлегендә уңышлар теләп.
Шәмсетдинов җавап сүзендә парламентта республиканың педагоглар бергәлеге, аерым алганда урта һөнәри белем бирү системасы мәнфәгатьләрен тәкъдим итәргә ниятләве турында әйтте.
Раил Шәмсетдинов узган елның декабрендә алтынчы чакырылыш Татарстан Дәүләт Советының яңа депутаты булды. ТР Үзәк сайлау комиссиясе аңа депутат Илшат Ганиевның вафат булуына бәйле рәвештә барлыкка килгән «Бердәм Россия» партиясе исемлегендәге буш мандатны тапшырды.
Шәмсетдинов 1984 елның 1 октябрендә Татарстанның Лаеш районы Имәнкискә авылында туган. Татар дәүләт гуманитар-педагогика университетын тәмамлаган. Казан федераль университетында педагогика фәннәре кандидаты гыйльми дәрәҗәсен алу өчен диссертация яклаган.
Кызыклы яңалыкларны күзәтеп бару өчен Телеграм-каналга язылыгыз