Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: Патриотик тәрбия мәсьәләсе депутатлар эшендә һәрвакыт булачак
Патриотик тәрбия мәсьәләсе парламентарийлар эшендә һәрвакыт иң әһәмиятлесе булачак. Бу хакта журналистларга матбугат конференциясендә Татарстан Дәүләт Советы Рәисе Фәрит Мөхәммәтшин әйтте, дип яза «Татар-информ» хәбәрчесе Надежда Гордеева.
«Бу мәсьәлә һәрчак көн кадагында булачак һәм без аңа гел әйләнеп кайтачакбыз. Балаларга һәм яшьләргә патриотик тәрбия бирү – безнең бурыч. Без көнбатыш дошманнарның шантажы белән илебезнең ничек көрәшкәнен күрсәтергә тиеш. Яшьләрне сатлыкҗан булмаслык итеп тәрбияләргә кирәк», – диде парламент башлыгы.
Әлеге темага җәмәгатьчелек, мәгариф оешмалары игътибарын җәлеп итү өчен алтынчы чакырылыш Дәүләт Советы депутатлары патриотик тәрбия турында республика кануны кабул итү турында искәртте.
«Санкция, махсус хәрби операция шартларында без карашыбызны патриотизм, Ватанга мәхәббәт мәсьәләләренә юнәлттек. Һәм барлык сәяси партияләр, иҗтимагый оешмалар моңа зур игътибар бирә. Мәктәпләрдә патриотик тәрбия эше алып барыла, китапханәләргә яшьләрне тәрбияли торган китаплар өчен акча бүлеп бирелде», – диде ул.
Фәрит Мөхәммәтшин әйтүенчә, Бөек Ватан сугышында катнашучыларның батырлыкларын истә тоту һәм үсеп килүче буынны алар үрнәгендә тәрбияләү мөһим.
«Узган буыннар үрнәгендә яшьләрдә Ватанга карата ихтирам, патриотизм тәрбияләргә кирәк», – дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз