Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин парламент ветераннарына медальләр тапшырды
Татарстан Республикасының Дәүләт Советы Рәисе Фәрит Мөхәммәтшин узган чакырылыш депутатларына һәм Дәүләт Советы аппараты хезмәткәрләренә «ТАССР төзелүгә 100 ел» медальләрен тапшырды. Дәүләт бүләге аларга Татарстанның социаль-икътисади потенциалын ныгытуга керткән өлешләре һәм күпьеллык нәтиҗәле хезмәтләре өчен тапшырылды. Парламентның матбугат хезмәте шул турыда хәбәр итә.
«Сез озак еллар Татарстан, аның хакимиятенең вәкиллекле органы үсеше өчен хезмәт иттегез. Республикада хәзерге парламентаризм һәм вәкиллекле халык хакимиятен торгызуда һәм үстерүдә һәркемнең шәхси өлеше зур. Без Татарстан үз Конституциясен төзүгә керешкән елларда социаль-икътисади һәм иҗтимагый-сәяси хәлләрне барыбыз да яхшы хәтерлибез. Ул вакытта нәкъ менә сез республиканың төп законын булдыру эшенең башында тордыгыз», - дип мөрәҗәгать итте парламент башлыгы.
Бүләкләрне тапшырган вакытта Фәрит Мөхәммәтшин мактаулы хезмәткәрләргә эштә күрсәткән тырышлыклары өчен рәхмәт белдерде. «Депутатлар корпусы һәм Дәүләт Советы аппараты хезмәткәрләрен һәрвакыт дәрәҗәле язмышка туры килү — кешеләргә, Татарстан һәм тулаем Россия мәнфәгатьләренә хезмәт итүгә омтылыш берләштерә. Нәкъ менә сез — һәркайсыгыз үз урыныгызда — традицияләргә нигез салдыгыз, алар ярдәмендә Дәүләт Советы югары абруй һәм татарстанлыларның ышанычын яулады», — диде Фәрит Мөхәммәтшин.
Татарстанның Дәүләт Советы Рәисе кулыннан бүләкләрне IV чакырылыш депутаты Виктор Бударин, III чакырылыш Дәүләт Советының Законлылык һәм хокук тәртибе комитеты рәисе урынбасары Галина Фәхретдинова һәм башкалар алды.
Кызыклы яңалыкларны күзәтеп бару өчен Телеграм-каналга язылыгыз