Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин гаилә үзәге янында бәйрәмдә чыгышында: Республикабыз яшәсен!
Татарстан Дәүләт Советы Рәисе Фәрит Мөхәммәтшин Татарстан парламентына сайлау хөрмәтенә зур концерт тамашачыларын сәламләде. Бәйрәм «Казан» гаилә үзәге янында оештырылган.
«Менә шундый зур концерт белән нәтиҗәләр ясыйбыз һәм сайлау кампаниясен төгәллибез. Татарстанда кампания уңышлы узганын хәбәр итәм сезгә: бернинди каршылыклар, аңлашылмаучанлыклар юк. Кешеләр канәгатьлек белән килде. Татарстанда 3 миллионга якын сайлаучы, 17,7 меңе беренче тапкыр тавыш бирде», – дип йомгак ясады Мөхәммәтшин.
Ул, шулай ук, сайлау кампаниясендә катнашучыларга, күзәтүчеләргә, журналистларга рәхмәтен җиткерде
«Алҗытмыйм сезне! Сездә бүген концерт, сезгә рәхмәт белдерергә теләүче танылган җырчылар, музыкантлар. Бәйрәм белән! Аллаһ насыйп итеп, туган республикабыз яшәсен!» – диде парламент башлыгы.
Искәртик, 20.00 сәгатьтә Татарстанда җиденче чакырылыш Дәүләт Советы депутатларын сайлауда тавыш бирү тәмамланды. Иртәнге сәгать 7.00 дән 2760 сайлау участогы эшләде. 18.00 сәгатькә булган мәгълүматлар буенча, тавыш бирүдә сайлаучыларның 63 проценттан артыгы катнашкан.
Бүген Татарстан Дәүләт Советы депутатларын сайлау узды. 50 депутат – партия исемлекләре, тагын 50се бер мандатлы сайлау округлары буенча сайланачак.Үзәк сайлау комиссиясе биш сәяси партиянең исемлекләрен теркәде: «Яңа кешеләр», «ЛДПР – Россия либераль-демократик партиясе», «Гадел Россия – Патриотлар – Дөреслек өчен», «Бердәм Россия», «КПРФ – Россия Федерациясе Коммунистлар партиясе».
100 депутат мандатына барлыгы 397 кандидат дәгъва кыла.
Кызыклы яңалыкларны күзәтеп бару өчен Телеграм-каналга язылыгыз