Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: Бөек Ватан сугышының һәр ветеранына игътибар бирергә кирәк
Җиңү көне - Россиянең һәр төбәге өчен бөек бәйрәмнәрнең берсе, изге көн. Бу хакта журналистларга Татарстан Дәүләт Советы Рәисе, «Бердәм Россия» төбәк бүлеге секретаре Фәрит Мөхәммәтшин Бөек Ватан сугышында катнашучылар белән онлайн-очрашудан соң белдерде.
«Безнең ил Җиңү өчен үз геройларының гомере белән түләгән бәяне аңлап, үзебезнең җиңүчеләргә хөрмәт белдерәбез. Бу көн белән бәйле чаралар санап бетергесез. Һәм күп кенә сәяси партияләр бу Җиңүнең мөһимлеген һәм аны тәэмин иткән кешеләрнең казанышларын аңлап, аларда катнаша», - диде парламент башлыгы.
«Бердәм Россия» партиясе инде 20 елдан артык 9 Май алдыннан Бөек Җиңүгә үз өлешләрен керткән Бөек Ватан сугышында катнашучылар, хезмәт ветераннары белән видеоочрашу үткәрә, дип өстәде Мөхәммәтшин.
«Һәм бу «Ветеранга шалтырату» акциясе дә кирәк. Аларны онытмауларын белү ветераннарның күңелен күтәрә. Бу безнең өчен дә мөһим», - диде ул.
Дәүләт Советы Рәисе «Ветеранга шалтырату» партия акциясе «алдагы буын тарафыннан кылынган изге эшләрне хәтердә саклау өчен» дәвам итәчәк, дип ышандырды.
«Сугыш авыр була, бик күп кеше һәлак була. Татарстанда бүген Бөек Ватан сугышында катнашкан 11 мең кеше яши, әмма алар өлкән яшьтә инде. Кызганыч, ветераннар вафат була. Һәм аларның һәркайсына без игътибар бирергә, хөрмәт күрсәтергә тиеш», - дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз