Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин «Балалар илне сурәтли» бәйгесе җиңүчеләрен бүләкләде
Н.И.Фешин исемендәге Казан сәнгать училищесында «Балалар илне сурәтли» дигән бәйгегә йомгак ясадылар. Быел аңа бөтен республикадан меңгә якын эш килгән. Алар дүрт темага багышланган: «Россиядә Гаилә елы», «Татарстанда фәнни-технологик үсеш елы», «Имин юллар» һәм «Мин – патриот». Соңгы категориядә җиңүчеләрне Татарстан Республикасы Дәүләт Советы Рәисе, «Бердәм Россия» партиясенең Татарстан бүлеге секретаре Фәрит Мөхәммәтшин бүләкләде.
«Бүгенге конкурс бик мөһим, чөнки без яшьләребезгә тәрбия бирү процессын колачлыйбыз. Балаларның рәсемнәрендә үз Ватанын һәм гаиләсен ярату кебек темалар чагыла. Нәтиҗәләр ясалды, бүләкләр тапшырылды. Педагоглар һәм балаларның әти-әниләре белән бергә шатландык һәм бер-беребез алдында ачык булдык. Үз илебезгә тугры булган шундый талантлы балалар белән без киләчәгебезгә ышанабыз», – дип белдерде журналистлар белән әңгәмәдә Мөхәммәтшин.
Ул искәрткәнчә, Татарстанда яшь талантларга төрле юнәлешләрдә ярдәм итү өчен барлык шартлар да тудырылган.
Бүләкләүләр арасындагы тәнәфесләрдә балалар өчен милли җырлар, биюләр һәм оригиналь номерлар белән концерт оештырылды.
Кызыклы яңалыкларны күзәтеп бару өчен Телеграм-каналга язылыгыз