Фәрит Габделганиев Татарстан Дәүләт Советына депутатлыкка дәгъва кыла
Скопировать ссылку
Татарстанда эшмәкәрләр хокукларын яклау буенча вәкаләтле вәкил Фәрит Габделганиев 50 нче Биектау бер мандатлы округы буенча VII чакырылыш ТР Дәүләт Советына өстәмә сайлауларда катнашачак.
Бизнес-омбудсмен бүген документларын Биектау районының территориаль сайлау комиссиясенә тапшырган.
Элегрәк хәбәр ителгәнчә, ТР Дәүләт Советына өстәмә сайлауларда тавыш бирү Дәүләт Думасына сайлаулар белән бер үк вакытта – 18, 19 һәм 20 сентябрьдә узачак.
Исегезгә төшерәбез, Дәүләт Советы депутаты мандаты гыйнвар аенда Азат Җиһаншин, Татарстан Экология һәм табигый байлыклар министрлыгын җитәкләп, республика хөкүмәтенә эшкә күчкәч бушады.