Фәрит Фарисовка Башкортстанның атказанган мәдәният хезмәткәре исеме бирелде
Скопировать ссылку
Мәскәү татарлары автономиясе рәисе Фәрит Фарисовка Башкортстан Республикасының атказанган мәдәният хезмәткәре исеме бирелде. Бу хакта Мәскәү Татарлары автономиясе сайтында хәбәр ителә.
«Милләтләр дуслыгы эшендә телне, тарихны һәм мәдәниятне үстерүгә һәм саклауга керткән өлеше, профессионализмы, иҗади потенциалы һәм һөнәргә тугрылыгы өчен» дигән әлеге югары бүләкне Башкортстан Республикасының Россия Федерациясе Президенты каршындагы Тулы вәкаләтле вәкиле вазыйфаларын башкаручы Ришат Халиков тапшырды.