Илгиз Зәйниев Камал театры директоры итеп билгеләнә
Илфир Якупов Камал театры директорының беренче урынбасары булачак.
Скопировать ссылку
Мәдәният министрлыгы матбугат чараларында Камал театры җитәкчелегенә бәйле чыккан эксклюзив хәбәрләр буенча рәсми мәгълүмат бирде.
Камал театрының эшчәнлеге киңәю һәм үсешендә яңа юнәлешләр барлыкка килүе белән бәйле рәвештә Камал театрының баш режиссеры Фәрит Бикчәнтәев чакыруы буенча «Әкият» татар дәүләт курчак театрының сәнгать җитәкчесе Илгиз Зәйниев учреждениенең директоры итеп билгеләнә. Ул театрның проектлар эшчәнлеге белән шөгыльләнәчәк.
Илфир Якупов Камал театры директорының беренче урынбасары булачак.
«Интертат»ның үз чыганаклары хәбәре буенча Илгиз Зәйниев бүген коллективка тәкъдим ителәчәк.
- Драматург һәм режиссер Илгиз Зәйниев Фәрит Бикчәнтәевның укучысы һәм «Әкият» курчак театрына күчкәнче Камал театрында режиссер булып эшләде.