news_header_top
16+
news_header_bot
news_top

Фәрид Абдулганиев «Бердәм Россия»нең Татарстан бүлеге җитәкчесе итеп сайланды

ТР Дәүләт Советы Рәисе Фәрид Абдулганиев «Бердәм Россия»нең Татарстан бүлеге секретаре итеп биш елга сайланды. Мондый карар партиянең төбәк бүлегенең Казанда уза торган XL конференциясендә кабул ителде.

Электрон яшерен тавыш бирү нәтиҗәләре буенча Абдулганиев кандидатурасы өчен конференциядә катнашучыларның 87 проценты тавыш биргән. Партиянең Татарстан бүлеге секретаре вазифасына шулай ук ТР Дәүләт Советы депутаты Камил Нугаев кандидатурасы тәкъдим ителде. Аның өчен бердәмроссиялеләрнең 5 проценты тавыш биргән.

2003 елның августыннан «Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин булды.

Моннан тыш, конференциядә партиянең Татарстан бүлекчәсе төбәк сәяси советы әгъзалары сайланды – 51 кеше, шул исәптән Президиум әгъзалары – 15 кеше.

news_right_1
news_right_2
news_bot