Фән һәм мәгариф 5 апрель 2024 12:17

Бердәм дәүләт имтиханының яңа расписаниесе расланды

Скопировать ссылку

Россия Мәгариф министрлыгы һәм Рособрнадзор 2024 елга Бердәм дәүләт имтиханының яңа расписаниесен раслый торган боерык әзерләгән. Яңа расписание кабул итү кампаниясенә хәтле фәннәрнең берсен кире тапшыру ихтималын исәпкә алып төзелгән. Документ Норматив хокукый актлар федераль порталында чыккан.

Боерык проекты буенча, 4 июльдә укучылар чит телләр (инглиз, испан, кытай, немец, француз), информатика, җәмгыять белеме, рус теле, физика һәм химия буенча БДИның язмача өлешен киредән тапшыра ала.

5 июльдә исә, биология, география, база һәм профиль юнәлешендә математика, чит телләр, тарих һәм әдәбият буенча телдән имтиханны киредән тапшырачак.

Аңлатма язуында әйтелгәнчә, боерык проекты Россия Президенты Владимир Путинның Федераль Җыенга Юлламасын гамәлгә ашыру буенча йөкләмәләр исемлеген үтәү өчен әзерләнгән.

Бу яңалык урта гомуми белем бирү программаларын үзләштергән чыгарылыш укучыларына үз нәтиҗәләрен яхшырту өчен үзләре сайлаган фәннәрнең берсе буенча имтиханны яңадан тапшыру мөмкинлеге бирергә тиеш.

Элегрәк Рособрнадзор җитәкчесе Анзор Музаев БДИның яңа расписаниесе, яңадан тапшыру мөмкинлеген исәпкә алып, апрель ахырына кадәр расланачак, дип хәбәр иткән иде.

#БДИ

Сәхифәләр

Бердәм дәүләт имтиханының яңа расписаниесе расланды