Фәннәр академиясенә милли юнәлештәге фәнни эшләргә 12 миллион сум биргәннәр

Скопировать ссылку

Татарстан Фәннәр академиясе милли юнәлештәге яңа фәнни хезмәтләрне нәшер итү өчен Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясеннән өстәмә финанслау алган. Бу хакта ТР Фәннәр академиясенең вице-президенты Айнур Тимерханов белдерде.

«Бу юнәлештә яңа хезмәтләрне бастырып чыгару өчен Тел комиссиясе тарафыннан соңгы ике елда 12 миллион акча бирелде. Бу безнең өчен бик зур ярдәм, һәм бу хезмәтләрнең күпчелеге инде басылып чыкты», - диде ул.

Аның сүзләренчә, әлеге акчаларга Казахстан, Үзбәкстан, Кыргызстан татарларына багышланган энциклопедия басмалары һәм башка фәнни хезмәтләр әзерләнә һәм нәшер ителә.

Сәхифәләр

Фәннәр академиясенә милли юнәлештәге фәнни эшләргә 12 миллион сум биргәннәр