Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Фәйзуллин һәм Миңнеханов Татарстан муниципалитетларына коммуналь техника тапшырды
Бүген Татарстан муниципалитетларына 22 берәмлек коммуналь техника тапшырдылар. Тапшыру тантанасында Россия Төзелеш, архитектура һәм ТКХ министры Ирек Фәйзуллин һәм республика рәисе Рөстәм Миңнеханов катнашты.
«Бу бүген торак-коммуналь хуҗалык системасы тотрыклы һәм ышанычлы эшләсен өчен кирәк», – дип белдерде Миңнеханов.
Ул ассызыклаганча, федераль һәм республика дәрәҗәсендә кабул ителә торган барлык программалар – республика гражданнарының тормыш сыйфатын реаль яхшырту.
Фәйзуллин үз чиратында техника, бигрәк тә тапшырыла торган техника исемлегенә кергән мобиль котельныйларга сокланды. Ул искәрткәнчә, 15 ел элек мондый котельныйларны бик озак эзләргә туры килгән, чөнки алар юк диярлек.
«Бүген мондый җиһазлар бөтен Россия территориясендә диярлек бар. Без һәрвакыт сатып алу мөмкинлекләрен тәэмин итәбез, шул исәптән коммуналь инфраструктураны модернизацияләү кысаларында да», - дип билгеләде министр.
Муниципалитетларга барлыгы 22 берәмлек техника тапшырылды. Алар исәбенә тракторлар һәм самосваллар, мобиль котельныйлар, КамАЗлар, Уазлар һ.б. кергән.
Яңалыкларны күзәтеп бару өчен Макс-каналга язылыгыз