Фәрит Мөхәммәтшин журналистларга: Безнең өчен сез гел прокурор булдыгыз

Дәүләт Советы Рәисе журналистларның кискен сорауларга игътибар итеп, тамашачыларга, укучыларга аңлашылмаучанлыкларны, төрле мәсьәләләрне хәл итүдә булышуларын әйтте.

Скопировать ссылку

(Казан, 13 гыйнвар, «Татар-информ», Гөлнар Гарифуллина). Татарстан Дәүләт Советы Рәисе Фәрит Мөхәммәтшин Татарстан һәм Россия матбугат чаралары мөхәррирләрен, журналистларны һөнәри бәйрәм — Россия матбугат көне белән тәбрикләде. «Безнең өчен сез гел прокурор булдыгыз», — дип мөрәҗәгать итте ул Татарстан халыкларының Дуслык йортында.

Иң элек, парламент рәисе журналист гаиләләре, династияләре фотографияләреннән оештырылган күргәзмә белән танышты. «Бездә андый династияләр бик күп, 40 тан артык», — диде «Татмедиа» АҖ генераль директоры Шамил Садыйков.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Россия матбугаты көне белән тәбрикләде. «Елдан-ел безне котлап киләсез, проблемаларны күздә тотып, бергәләшеп эшләп киләбез. Рәхмәт сезгә!» — дип мөрәҗәгать итте Фәрит Мөхәммәтшинга.

Фәрит Мөхәммәтшин Россия матбугаты көне прокуратура бәйрәме белән дә туры килүен билгеләп узды. «Прокуратурага да 300 ел. Ә безнең өчен сез гел прокурор булдыгыз, хакимият, партия, җәмәгатьчелек өчен дә. Моның өчен сезгә рәхмәт. Журналистларга хөрмәт белән карыйм. Журналистика ул — язучы, сөйләүче, күрсәтүчесе дә — безнең зур корал, безнең прокурорлар», — диде.

«Сез гел вакыйгалар үзәгендә буласыз. Сайлаулада да матбугат актив катнашты. Сайлау кампаниясенә мөнәсәбәтегез өчен рәхмәт», — диде Фәрит Мөхәммәтшин. Ул журналистларның Бөтенроссия халык санын алу чараларын яктыртканнарын, кешеләрне вакцинацияләнергә өндәүдә ролен дә билгеләп үтте. «Кызыл зоналарда эшләүче журналистларга аеруча рәхмәт. Авыр хәлдәге кешеләрне күреп, уйлана башлыйсың», — диде.

Чыгышыннан соң, Фәрит Мөхәммәтшин хезмәт алдынгыларына ТР дәүләт Советы Рәисенең Рәхмәт хатын тапшырды.

Сәхифәләр

Фәрит Мөхәммәтшин журналистларга: Безнең өчен сез гел прокурор булдыгыз