Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: Журналист Елена Чернобровкина республика өчен тырыша иде
Татарстанда танылган журналистларның берсе булган Елена Чернобровкинага 70 яшь иде.
(Казан, 29 декабрь, «Татар-информ», Алексей Угаров). ТР Дәүләт Советы Рәисе Фәрит Мөхәммәтшин бүген 70 яшендә вафат булган танылган журналист Елена Чернобровкинаның туганнарының һәм якыннарының кайгысын уртаклашты.
«Республикабызның танылган журналисты Елена Чернобровкина вафат булуын хәбәр иттеләр. Без аны бик яхшы беләбез, ул тормышта бик актив кеше иде. Аның күп кенә мәсьәләләр буенча үз фикере булды, әмма республика мәнфәгатьләрен яклауга бар көчен куйды. Чернобровкина безгә җитмәячәк, аның туганнарының һәм якыннарының кайгысын уртаклашам», — диде Фәрит Мөхәммәтшин «Татар-информ» хәбәрчесе белән әңгәмәдә.
Елена Николаевна Чернобровкина Татарстанда туксанынчы елларда иң күренекле журналистларның берсе булды. Ул берничә ел «Вечерняя Казань» газетасының әйдәп баручы авторы була, соңрак «Новая вечерка»да эшли. Ике меңенче еллар башында ул «Восточный экспресс» газетасында, аннары башка медиапроектларда мәкаләләр бастыра.
Озак еллар дәвамында ул «БИЗНЕС Online» газетасында журналист, шеф-мөхәррир урынбасары була, күп еллар дәвамында парламент хәбәрчесе булды.
Елена Чернобровкина журналистлык эшчәнлегеннән тыш, Елена Гурьянова псевдонимы белән китаплар язды. Фантастик детективлар жанрындагы үз әсәрләрен ул «ЛитРес» электрон китапханәсе сайтына урнаштыра иде.
Кызыклы яңалыкларны күзәтеп бару өчен Телеграм-каналга язылыгыз