Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: “Татарстанда парламентаризм дәрәҗәсе елдан-ел үсә кебек тоела”
Аның фикеренчә, ТР Дәүләт Советында “Бердәм Россия” вәкиллеге арту республика парламентында плюрализм дәрәҗәсенә йогынты ясамаячак
(Казан, 16 сентябрь, «Татар-информ», Аяз Исмәгыйлев). V чакырылыш ТР Дәүләт Советында “Бердәм Россия” вәкиллеге арту республика парламентында плюрализм дәрәҗәсенә йогынты ясамаячак. Бу хакта бүген “Бердәм Россия” партиясенең Татарстан төбәк бүлеге Сәяси советы секретаре Фәрит Мөхәммәтшин матбугат конференциясендә белдерде.
“Бөтенләй йогынты ясамас дип уйлыйм, чөнки сул позицияне коммунистлар тәкъдим итә, либераль-демократик карашлылар да бар. Аларга күбрәк эшләргә туры киләчәк. IV чакырылышта 6 коммунист иде, хәзер өчәү кала. Димәк, аларга активлыкларын ике тапкыр арттыру зарур, ә безгә аларның фикерләренә 2 тапкыр игъибарлырак булырга кала. Сәяси партиянең теләсә кайсы вәкиле белдергән һәр фикер мөһим булуын исәпкә алып эшләячәкбез”, - диде Фәрит Мөхәммәтшин.
Искәртеп узабыз: Татарстан Дәүләт Советына сайлаулар нәтиҗәләренә караганда, партия исемлеге буенча “Бердәм Россия” 47 депутат мандаты ала. Бу партия тәкъдим иткән тагын 36 кандидат бер мандатлы округта җиңүгә иреште. Шулай итеп, V чакырылыш ТР парламентына “Бердәм Россия” не 83 депутат тәкъдим итәргә тиеш. КПРФ 3 депутатлык мандатына хокук ала. Бер мандатлы округта ЛДПР кандидаты җиңде. ТР Дәүләт Советында буш калган урыннарны үзләрен тәкъдим итүчеләр билиячәк.
“Татарстанда парламентаризм дәрәҗәсе елдан-ел үсә кебек тоела. Сайлаулардан сайлауларга парламент эшчәнлеге дәрәҗәсе күтәрелә”, - диде Фәрит Мөхәммәтшин республика Дәүләт Советына сайлауларга нәтиҗә ясап.
Кызыклы яңалыкларны күзәтеп бару өчен Телеграм-каналга язылыгыз