Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Фәрит Мөхәммәтшин РФ Дәүләт Думасында Татарстаннан депутатларны кискен тәнкыйтьләде
Фәрит Мөхәммәтшин РФ Дәүләт Думасында Татарстаннан депутатларны кискен тәнкыйтьләде
(Казан, 28 декабрь, «Татар–информ», Руслан Мөхәммәтшин). РФ Дәүләт Думасында Татарстаннан депутатларның субъект җитәкчеләрен сайлауда яңа тәртип шартларында төбәк парламентларын таратуның мөмкин булмавы турында ТР Президенты позициясен якламаулары партия тарафыннан катнашуны һәм анализны таләп итә, дип белдерде республика парламенты җитәкчесе Фәрит Мөхәммәтшин ТР Дәүләт Советында журналистлар белән очрашуда.
Шул ук вакытта узып баручы елның истәлекле вакыйгасы дип Фәрит Мөхәммәтшин парламент сайлауларында «Бердәм Россия» партиясенең ышанычлы җиңүен атады.
Дәүләт Советы Рәисе субъект җитәкчесе постына кандидатлар тәкъдим итү тәртибе турында РФ Президенты Владимир Путинның соңгы Указына карата фикерләре белән уртаклашты. Указ нигезендә, Кремль администрациясенә ике кандидатны Президентның федераль округлардагы вәкаләтле вәкилләре тәкъдим итәргә тиеш. Фәрит Мөхәммәтшин фикеренчә, Президентның яңа Указы субъект башлыгын сайлау механизмына беркадәр альтернатива мөмкинлеген кертә.
Кызыклы яңалыкларны күзәтеп бару өчен Телеграм-каналга язылыгыз