Фәрит Мөхәммәтшин: «Республика Татарстан» газетасы - ул Татарстанның елъязмасы
Татарстан Архив эше буенча дәүләт комитеты рәисенә газетның барлык басмаларын реставрацияләү һәм оцифрока ясату бурычы куелды.
(Казан, 27 гыйнвар, «Татар-информ», Арсений Маврин). Татарстан Республикасы Хөкүмәте «Республика Татарстан» газетасының 100 еллык юлбиеен медиалы бәйрәм итәргә уйлый. Бу хакта Татарстан Республикасының Дәүләт Советы Президиумы утырышында Фәрит Мөхәммәтшин хәбәр итте.
«Ватаным Татарстан» һәм «Республика Татарстан» газеталары – ул Татарстанның елъязмалары, – дип белдерде республиканың парламент башлыгы. – Бу елны «Республика Татарстан» үзенең 100 еллыгын бәйрәм итә. Безгә бу вакыйганы медияле итәргә кирәк».
Шул уңайдан матбугат чаралары вәкилләре редакцияләрне борчыган тираж кимү мәсьәләсен интернет басмаларның үсеше белән бәйләп аңлатты. Кәгазь басмаларның да электрон версияләре күбрәк кызыксыну уята башлаган. «Безне айга 35 илдән 120 меңнән артык кеше кереп укый. АКШта укучылар бик күп. Бу ни белән бәйледер – аңлата алмыйм», – диде «Республика Татарстан» газетасының баш мөхәррире Александр Латыпов.
«Татарстан Почтасы” директорының урынбасары Светлана Гришина 2017 елның беренче яртысында басмалар почта хезмәтенә түләү артуны җиңә алды, ди. «Татмедиа»ның иҗтимагый әһәмиятле басмалары, шул исәптән «Ватаным Татарстан» һәм «Республика Татарстан» газетлары 30 процентлы ташлама алды», – диде ул.
Татарстан Республикасы Дәүләт Советы Президиумы газетларга яңа рубрикалар өстәп, әһәмиятле аналитик язмалар санын арттырып, күбрәк укучылар җәлеп итәргә киңәш итте.
Шулай ук ХХ йөз башында файдаланылган сыйфатсыз кәгазь һәм кислоталы буяу «Республика Татарстан» газетасының беренче саннары юкка чыгарырга мөмкин. Бу уңайдан, Татарстан Республикасының Архив эше буенча дәүләт комитеты рәисе Ирада Әюповага барлык басмаларны реставрацияләү һәм аларга оцифровка ясату бурычы куелды.