Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин әлмәтлеләрне шәһәр юбилее белән котлады
Татарстан Республикасының нефть үзәге 65 еллыгын билгеләп үтә.
(Казан, 3 ноябрь, «Татар-информ»). Татарстан Дәүләт Советы Рәисе Фәрит Мөхәммәтшин әлмәтлеләрне шәһәр юбилее белән котлады. Бу хакта Дәүләт Советының матбугат хезмәте хәбәр итә.
Бүген, 3 ноябрьдә, Әлмәт үзенең 65 еллыгын бәйрәм итә. Фәрит Мөхәммәтшин, нефтьчеләр башкаласына эш сәфәре кысаларында, беренче чиратта, күптән түгел төзекләндерелгән «Сәламәтлек» паркы белән танышты. Паркта Дәүләт Советы Рәисен «Актив озын гомер» проектында катнашучылар каршы алды.
«Элек бу ташландык җир иде, - дип искә алды проектта катнашучыларның берсе. - Хәзер биредә ачык һавада фитнес белән шөгыльләнү өчен барлык шартлар да тудырылган».
«Кванториум» балалар технопаркында «Киң күңелле Әлмәт-65» волонтерлар бәйгесенә нәтиҗә ясадылар. Фәрит Мөхәммәтшин волонтерлыкның тормышыбызга үтеп керүен, аның яшь буынны тәрбияләүдә файдалы булуын искәртте.
«Нефтьче» Мәдәният йорты янында оештырылган бәйрәм чараларын һәм ясалма бозлы шугалакны күзәткәч, Фәрит Мөхәммәтшин Әлмәтнең республиканың иң яхшы шәһәрләреннән берсе булуын билгеләп үтте.
Ул трибунадан Бөек Ватан сугышы һәм нефть тармагы ветераннарын бәйрәм белән тәбрик итте.
Бәйрәм вокаль, театр, хореография һ.б. коллективларның чыгышлары белән дәвам итте.
Кызыклы яңалыкларны күзәтеп бару өчен Телеграм-каналга язылыгыз