Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин Европа Советының Җирле һәм төбәк хакимиятләре конгрессында катнашу өчен Страсбургка килде
Конгрессның XXVII сессиясенең максаты - Ауропа төбәкләре һәм шәһәрләрендә яшьләрнең хокукларын һәм мөмкинлекләрен киңәйтү
(Казан, 13 октябрь, «Татар-информ»). Бүген ТР Дәүләт Советы Рәисе - Европа Советының Җирле һәм төбәк хакимиятләре конгрессының актуаль мәсьәләләр комитеты рәисе Фәрит Мөхәммәтшин конгрессның XXVII сессиясендә катнашу өчен Страсбургка килде.
Фәрит Мөхәммәтшин чыгышында үзе җитәкләгән Актуаль мәсьәләләр комитеты эшчәнлеге, аерым алганда, агымдагы елның 11 июнендә узган утырыш нәтиҗәләре хакында сөйләргә җыена. Комитет конгрессның көн тәртибенә төбәк ММЧларының турыдан-туры демократия төзүдәге роле, мөмкинлекләре чикләнгән кеше хокукларын үстерү, мәдәниара белем бирү һәм коммуникация стратегияләре аша күптөрлелекне кабул итүдәге үзгәрешләр турында өч доклад керткән.
Конгрессның XXVII сессиясенең максаты - Ауропа төбәкләре һәм шәһәрләрендә яшьләрнең хокукларын һәм мөмкинлекләрен киңәйтү. Көн тәртибенә Европа Советы дәүләтләрендә төбәк һәм муниципаль хакимиятне алга таба демократлаштыруның җитди мәсьәләләре кертелгән. Моннан тыш, конгресс сессиясендә аның җитәкчеләре дә яңадан сайланачак.
Әйтеп узарга кирәк, 15 октябрьгә Актуаль мәсьәләләр комитетының утырышы планлаштырылган, анда Европа Советы дәүләтләренең яшьләр структуралары активистлары һәм вәкилләре катнашачак, дип хәбәр итә ТР Дәүләт Советының җәмәгатьчелек һәм ММЧ белән үзара эшчәнлек бүлеге .
Кызыклы яңалыкларны күзәтеп бару өчен Телеграм-каналга язылыгыз