news_header_top
16+
news_header_bot
news_top

Фәрит Мөхәммәтшин Чаллыда Дәүләт Советы президиумының күчмә утырышын үткәрә

Чара барышында шулай ук дүртенче чакырылыш ТР Дәүләт Советының 10 нчы утырышын үткәрү датасы расланачак

(Казан, 15 апрель, “Татар-информ”). Бүген Татарстан Дәүләт Советы Рәисе Фәрит Мөхәммәтшин Чаллыда республика парламенты президиумының күчмә утырышын үткәрә.
Чара “КАМАЗ” ААҖ территориясендә узачак. Көн тәртибендә беренчеләрдән булып Кама автомобиль заводында кризиска каршы программаны гамәлгә ашыру турындагы мәсьәлә каралачак. Предприятие генераль директоры Сергей Когогин автогиганта инновацион алымнар кертү һәм модернизация үткәрүдәге тәҗрибә хакында сөйләячәк.
Чара барышында шулай ук дүртенче чакырылыш ТР Дәүләт Советының 10 нчы утырышын үткәрү датасын раслау һәм башка мәсьәләләрне карау күздә тотыла, дип хәбәр итә республика парламентының матбугат хезмәте.

news_right_1
news_right_2
news_bot