Сәясәт 7 ноябрь 2014 16:10

Фәрит Мөхәммәтшин: “Безнең илгә карата мөнәсәбәтенең яхшы якка үзгәрүе сизелә”

Парламент җитәкчесе Татарстан белән хезмәттәшлек итәргә теләгән чит ил оешмалары барлыгын ассызыклый

Скопировать ссылку

(Казан, 7 ноябрь, “Татар-информ”, Лилия Локманова). Россиягә карата булган санкцияләр аркасында илнең икътисадына шактый ук зыян килде. Әмма, ТР Дәүләт Советы Рәисе Фәрит Мөхәммәтшин фикеренчә, хәл, акрынлап булса да, яхшы якка үзгәреш ала.

“Безнең илгә карата мөнәсәбәтнең яхшы якка үзгәрүе сизелә. Бизнес вәкилләре, гадәттә, сәясәттән бик читтә һәм алар үз мәнфәгатьләрен кайгырта. Россия, аерым алганда Татарстан белән чит ил бизнесменнарының кызыксынулары шактый зур һәм алар уртак хезмәттәшлеккә әзер. Мисал өчен, Россия һәм аның субъектлары белән хезмәттәшлекне тулысынча тыюга да карамастан, Татарстанда җитештерелүче вертолетларга заказ бирүче чит ил оешмалары бар. Бу безнең хезмәттәшлекнең ныклы һәм ышанычлы булуын күрсәтә”, - диде ул бүген “Татар-информ” МАда “Пятница, с 13-го” видеоязмасын эшләгәндә.

Сәхифәләр

Фәрит Мөхәммәтшин: “Безнең илгә карата мөнәсәбәтенең яхшы якка үзгәрүе сизелә”