Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Фәрит Мөхәммәтшин: “Без сайлаучының сәяси партияләр күптөрлелегендә үз таләпләренә туры килгәнен сайлавын телибез”
ТР парламенты сайлау бюллетеньнәренә “барысына да каршы” графасын кертүне хупламаячак
(Казан, 13 февраль, “Татар-информ”, Гөлнар Гарифуллина). Бүген ТР Дәүләт Советы Рәисе Фәрит Мөхәмммәтшин журналистларга сайлау бюллетеньнәренә “барысына да каршы” графасын кертүгә каршы булуының сәбәпләрен шәрехләп узды.
“Элек “барысына да каршы графасы”н кирәк дип саный идем. Ни өчен дигәндә, сәяси партияләр саны аз булган вакытта халык үз мәнфәгатьләренә, максатларына туры килгән партия таба алмый иде. Халыкның бюллетеньдәге партияләрнең барысына да каршы чыгуы җәмгыятькә үзенә күрә бер сигнал булып тора иде. Бүген исә Татарстанда сәяси партияләр палитрасы зур, минемчә, һәркемгә үз ихтыяҗларына җавап биргән партияне сайлау мөмкинлеге бар, шуңа күрә барысын да сызып ату партияләр өчен берникадәр мыскыллау кебек тә. Без сайлаучының сәяси партияләр күптөрлелегендә үз таләпләренә туры килгәнен сайлавын телибез”, - дип белдерде Фәрит Мөхәммәтшин.
Шул рәвешле, парламент рәисе әйтүенчә, “барысына да каршы” графасы Татарстан Республикасы парламентында, мөгаен, хупланмаячак.
Кызыклы яңалыкларны күзәтеп бару өчен Телеграм-каналга язылыгыз