Фәрит Гыйбатдиновка «Чувашия Республикасы каршындагы казанышлары өчен» медаль бирелде
Чувашия Республикасының олугъ бүләге аңа милләтара һәм конфессияара мөнәсәбәтләрне ныгытудагы хезмәтләре өчен бирелә.
(Казан, 23 март, «Татар-информ»). Чувашия татар милли-мәдәни мохтарияте җитәкчесе Фәрит Гыйбатдинов «Чувашия Республикасы каршындагы казанышлары өчен» ордены медале белән бүләкләнде. Бу турыда Бөтендөнья татар конгрессы матбугат хезмәте хәбәр итте.
Фәрит Гыйбатдинов 40 ел дәвамында «Мишәрләр» ансамбленең җитәкчесе, Чувашия татарларын берләштереп торучы үрнәк лидер, балалар сәнгать мәктәбе директоры.
«Фәрит әфәндене уңышлары белән чын күңелдән котлыйбыз! Әлеге видеоязмада сез Фәрит Гыйбатдинов һәм ул яшәгән Урмай авылы тормышы, татарларның көнкүреше, алар саклаган гореф-гадәтләр белән якыннанрак таныша аласыз. „Тамырлар“ тапшыруын тәкъдим итәбез», диелә бу хәбәрдә.