Җәмгыять 24 октябрь 2018 16:01

Ф.Мөхәммәтшин: ВЛКСМның 100 еллыгында Чаллы төзелешендәге комсомолларга хөрмәт белдерәбез

Татарстан Республикасы Дәүләт Советы Рәисе Татарстан Милли музеенда комсомолларның хезмәт батырлыгын искә төшерде.

Скопировать ссылку

(Казан, 24 октябрь, “Татар-информ”, Динара Прокопьева). Татарстан Республикасы Дәүләт Советы Рәисе Фәрит Мөхәммәтшин комсомол оешмасы юбилеен билгеләп үтеп, Чаллы шәһәрен төзегән комсомолларга хөрмәт белдерәбез, дип саный. Бу хакта ул Татарстан Милли музеенда “Комсомол тарихы — ил тарихы” күргәзмәсен ачканда әйтте.

“Комсомолның 100 еллыгын искә алганда чирәм җирләрне ачкан, БАМ һәм башка зур төзелешләрдә, шул исәптән республикабызда барган төзелешләрдә эшләгән яшьләргә хөрмәтебезне белдерәбез. Чаллы – “КАМАЗ” кебек үк бөтенсоюз комсомол төзелеше булды. Шәһәр бүген дә илнең машина төзелешендә флагман булып тора”, - диде ул.

Чаллыда төзелеш 1970 еллар башында “КАМАЗ” автозаводы төзелүе белән бергә зур тизлектә үсә. Егерме ел эчендә шәһәр халкын 10 тапкыр арттыру: 35 меңнән 350 меңгә җиткерү планлаштырылган була. Соңгы тапкыр халык санын алу мәгълүматлары буенча, хәзер автокалада ярты миллионнан артык кеше яши.

Комсомолның туган көне булып 1918 елның 29 октябре санала.

Татарстан Милли музеенда “Комсомол тарихы — ил тарихы” күргәзмәсе 24 ноябрь киченә кадәр эшли.

#Фәрит Мөхәммәтшин #комсомол #влксм

Сәхифәләр

Ф.Мөхәммәтшин: ВЛКСМның 100 еллыгында Чаллы төзелешендәге комсомолларга хөрмәт белдерәбез