Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ф.Мөхәммәтшин “Россиядә һәм чит илләрдә ислам белеме” халыкара конференциясендә катнаша
Җыенда профессиональ ислам белеме бирү системасын һәм Россиядә тарих һәм ислам мәдәнияты өлкәсендәге максатчан дәүләт программаларын үстерү перспективалары турында фикер алышу көтелә
(Казан, 28 сентябрь, “Татар-информ”). Бүген ТР Дәүләт Советы рәисе Фәрит Мөхәммәтшин Татар дәүләт гуманитар-педагогика университеты һәм Россия ислам университеты Ислам конференциясе оешмасы карамагындагы Мәгариф, фән һәм мәдәният эшләре буенча ислам оешмасы эгидасы белән берлектә оештырылган “Россиядә һәм чит илләрдә ислам белеме” дип аталган халыкара фәнни-гамәли конференциянең ачылышында катнаша. Конференциядә Мәгариф, фән һәм мәдәният эшләре буенча ислам оешмасы генераль директоры Абдулгазиз Осман әл-Твәйҗри катнаша. Бу хакта Татарстан парламентының матбугат хезмәте хәбәр итә.
Татар дәүләт гуманитар-педагогика университетыннан алынган мәгълүматларга караганда, җыенда профессиональ ислам белеме бирү системасын һәм Россиядә тарих һәм ислам мәдәнияты өлкәсендәге максатчан дәүләт программаларын үстерү перспективалары турында фикер алышу көтелә. Бигрәк тә ислам белеме бирә торган уку йортларының халыкара хезмәттәшлеге, аларның дөньякүләм мәгариф җирлегенә керү мәсьәләләре кызыклы булачак.
Конфенциядә Россия, БДБ һәм ерак чит илләр ислам һәм дәүләт уку йортлары, шулай ук Ислам конференциясе оешмасы карамагындагы Мәгариф, фән һәм мәдәният эшләре буенча ислам оешмасы һәм Ислам дөньясы университетлары федерациясе җитәкчеләре, фән, мәдәният, мәгариф эшлеклеләре катнаша. Конференция Татар дәүләт гуманитар-педагогика университетында уза.
Кызыклы яңалыкларны күзәтеп бару өчен Телеграм-каналга язылыгыз