news_header_top_970_100
16+
news_header_bot_970_100

Ф.Мөхәммәтшин: «Нечкәбил» бәйгесе - гаилә сәясәте өлкәсендә Татарстанның визит карточкасы

Республика бәйгесе финалында республиканың 10 районыннан килгән 13 гаилә бәхет һәм иминлекнең серләре белән уртаклашты.

(Казан, 1 декабрь, «Татар-информ», Надежда Гордеева). «Нечкәбил» бәйгесе гаилә сәясәте өлкәсендә  Татарстанның визит карточкасына әверелде. Парламент башлыгы урынбасары Римма Ратникова XIII республика бәйгесе финалында катнашучыларга Татарстан Республикасы Дәүләт Советы Рәисе Фәрит Мөхәммәтшинның әлеге сүзләрен җиткерде.

«Нечкәбил» бәйгесе Татарстан Президенты, Дәүләт Советы һәм республика Хөкүмәте, муниципаль район башлыклары теләктәшлегендә үтә.

Конкурс финалында «дәресләр» форматында узган презентациянең темасы итеп «Гаилә һәм мәктәп» сайланган иде. Республиканың 10 районыннан килгән 13 гаилә бәхет һәм иминлекнең серләре белән уртаклашты.

«Нечкәбил» бәйгесенең җитәкчесе, «Нык гаилә» федераль партия проектының координаторы Изольда Жуйкова әлеге чараның һәрвакыт киң колач белән үтүен билгеләп үтте. 

Татарстан гаиләләрен шулай ук Дәүләт Думасының Гаилә, хатын-кызлар һәм балалар мәсьәләләре комитеты рәисенең беренче урынбасары Ольга Окунева да сәламләде.


 

autoscroll_news_right_240_400_1
autoscroll_news_right_240_400_2
news_bot_970_100