Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәдис Ганиев күңелләрне җилкендерәчәк
Фәдис Ганиев күңелләрне җилкендерәчәк
(Уфа, 17 декабрь, «Татар-информ», Фәнис Фәтхуллин). Башкортстанда яшәп иҗат итүче талантлы татар җырчысы Фәдис Ганиев үз тамашачыларын чираттагы концертына чакыра. Ул 17 декабрь көнне җыр сәнгатен сөючеләргә Башкортстан дәүләт филармониясендә «Мәхәббәт өчпочмагы» дип исемләнгән кызыклы һәм бай эчтәлекле программасын тәкъдим итә.
Кешенең тормышын сөю, яратусыз күз алдына китерүе дә кыен. Чөнки адәм баласы нәкъ менә яратканда һәм үзе дә самими яратылганда гына үзен бәхетле тоя. Ләкин яшәешебездә гыйшык утларында янучылар төрле хәлләргә дә калгалый, өч почмаклы мәхәббәт өермәсенә дә кереп китүчеләр бар. Тамашада менә шундый хәлләр сурәтләнә.
![](/resize/750/images/uploads/news/2019/11/17/d6d17efe3310e1d3d179d69f01f717293cdc4c0ad36b881a5de72b43b525.jpg)
Бик күп эстрада һәм халык җырлары кертелгән бу концерттагы өчпочмакның бер ягында Фәдис Ганиев үзе булса, икенче ягында популяр яшь җырчы Лилия Биктимерова белән Башкортстанның атказанган артисткасы, нәфис сүз остасы Гөлзәмия Ситдыйкова. Программаны дәртле биюләр аеруча нык бизи. Халкыбызның шаян биюләре бигрәк тә зур урын алган бу тамашада.
Башкортстандагы Борай районының Мулла исемле бик матур татар авылында туып-үскән Фәдис Ганиев соңгы елларда тамашачыларның иң яраткан җырчыларының берсенә әверелде. Аның күкрәктән чыккан көчле тавышын һәм кабатланмас моңын башка бер генә җырчының тавышы белән дә бутап булмый. Шуның өчен дә Фәдиснең чираттагы концертына билетлар алдан ук сатылып беткән иде инде.
Кызыклы яңалыкларны күзәтеп бару өчен Телеграм-каналга язылыгыз