Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Евгения Коцарь: «Батырлар» - ул геройлар өчен социаль лифт
Махсус хәрби операциясендә катнашучыларга һәм ветераннарга, аларның гаилә әгъзаларына ярдәм итү буенча «Җиңү өчен! Казан» коммерцияле булмаган хәйрия автоном оешмасы директоры һәм махсус хәрби операциядә катнашучының хатыны Евгений Коцарь «Татар-информ» агентлыгына «Батырлар. Татарстан геройлары» программасының әһәмияте һәм махсус хәрби операциядә катнашучыларга булышлык күрсәтү турында сөйләде.
«Батырлар» программасына илебезне яклаучылардан 1600дән артык гариза килүен, ә шуларның иң яхшы дип табылган 95е финалга чыгуын белгәч, гаҗәпләнмәдем. Мин ирләребез һәм республикабыз өчен шатландым. Бу шуның кадәр кешенең үз энергиясен, дисциплинасын һәм Ватанга мәхәббәтен Татарстанның тыныч үсешенә юнәлтү теләге зур булуы хакында сөйли», - дип белдерде ул.
Евгения Коцарь билгеләп үткәнчә, Татарстан Рәисе Рөстәм Миңнехановның программа финалистларына карата мөнәсәбәте аны бик дулкынландырган.
«Рөстәм Нургали улы Миңнеханов финалистлар белән очраша, алар белән аталарча сөйләшә. Ул программага старт биреп кенә калмады, аны шефлыкка да алды. Аның: «Сез - безне, без сезне өйрәтәчәкбез», - дигән сүзләре матур гыйбарә генә түгел. Бу - аның геройларга мөнәсәбәтенең асылы. Ул аларда коры статистика гына түгел, ә республиканың киләчәген, яңа лидерларны күрә», - диде «Җиңү өчен! Казан» хәйрия оешмасы җитәкчесе.
Хәрби хезмәткәрнең хатыны билгеләп үткәнчә, программада алгы сызыкта булганнар өчен дә урын табылган.
«Әлеге программада алгы сызыктагы хәрбиләр өчен дә урын тапканнары өчен аерым рәхмәт әйтәсем килә. Алар инде резервка алынган һәм республиканың аларны көткәнен беләләр. Бу – нәкъ менә киләчәк турында кайгырту, ул көтәргә һәм өметләнергә көч бирә», - диде Евгения Коцарь.
Программа вак-төягенә кадәр уйланылган - эссе һәм тест аша җитди сайлап алу да, остазлар - министрлар һәм район башлыклары да, хакимият органнарында стажировкалар да - боларның берсе дә онытылмаган, диде ул.
Кызыклы яңалыкларны күзәтеп бару өчен Телеграм-каналга язылыгыз