news_header_top_970_100
news_header_bot_970_100

Евгений Гришин РФ Дәүләт Думасы депутаты булды

Аңа мандат Алинә Кабаевадан күчте

(Казан, 1 октябрь, «Татар-информ»). РФ Федераль Җыены Дәүләт Думасындагы "Бердәм Россия" сәяси партиясе фракциясен өч яңа депутат тулыландырды: Евгений Гришин, Виктор Малашенко һәм Михаил Яшин.

РФ Үзәк сайлау комиссиясе бүген аларга бушаган мандатларны тапшырды һәм VI чакырылыш парламентының түбән палатасы депутатлары сыйфатында теркәде. Вакансияләр фракция әгъзлары - Алинә Кабаева, Александр Богомаз һәм Виктор Зубарев вакытыннан алда депутат вәкаләтләрен калдырганнан соң бушады. Элегрәк РФ Үзәк сайлау комиссиясенә Гришин, Малашенко һәм Яшин кандидатураларын тәкъдим итү карарын "Бердәм Россия" партиясе Генераль советы кабул иткән иде.

Искәртеп узабыз: Татарстан "бердәмроссиялеләренең" ТР Дәүләт Киңәшчесе секретариаты җитәкчесе Евгений Гришин кандидатурасын Алинә Кабаева киткәннән соң бушаган Дәүләт Думасы депутаты урынына тәкъдим итәргә ниятләүләре хакында ТР Дәүдәт Советы Рәисе Фәрит Мөхәммәтшин белдергән иде.  

news_right_column_1_240_400
news_right_column_2_240_400
news_bot_970_100