Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Этнология һәм антропология буенча белгеч Владимир Зорин журналистларга мастер-класс бирде
Чара "Күп йөзле Россия" ("Многоликая Россия") бәйгесе кысаларында үткәрелде.
(Казан, 2 октябрь, "Татар-информ", Лилия Локманова). Бүген "Корстон" комплексында Россия Президенты каршындагы милләтара мөнәсәбәтләр Советы президиумы әгъзасы, Россия Фәннәр Академиясенең этнология һәм антропология институты директоры урынбасары Владимир Зорин журналистлар өчен мастер-класс уздырды. Чара "Күп йөзле Россия" ("Многоликая Россия") бәйгесе кысаларында үткәрелде.
Ул мастер-классны кече этно-диктант яздырудан башлады. Җиңүчеләргә исә 3 китап бүләк итте.
"Бездә беркайчан да дини сугышлар булмаган. Танылган Пугачев фетнәсеннән соң патшабикәнең тәхете "селкенә" башлый. Ислам динен тотучылар Пугачевка ярдәм итмәгән булса, ул андый көчкә ия булмас иде. Екатерина патшабикә моннан нәтиҗәләр ясый һәм ислам диненә ярдәм итә торган указлар чыгара", – ди Владимир Зорин.
"Дәүләтнең этносәясәте традицияләргә таяна", – дип саный белгеч. Аның сүзләренчә, Россия Конституциясе буенча кешегә этносны көч белән "тагып" булмый. Шулай ук, Владимир Зорин фикеренчә, җинаятьләр турында язганда, җинаять кылучының нинди милләттән булуын күрсәтеп язу да канунлы түгел.
Азактан ул журналистларның сорауларына җавап бирде.
Кызыклы яңалыкларны күзәтеп бару өчен Телеграм-каналга язылыгыз