Этнограф XIX гасыр татар хатын-кызлары киемнәре һәм калфак турында сөйләде
Калфак – традицион хатын-кыз баш киеме – катлаулы һәм бер генә мәгънәгә ия булмаган тарихка ия. XIX гасырга кадәр бу кием элементы фәнни чыганакларда телгә алынмаган диярлек, дип хәбәр итә «Миллиард.Татар» телеграм-каналы.
Калфакларны татарлар гына киеп калмаган. Мондый баш киемнәрен чуваш, мари һәм рус хатын-кызлары да кигән. Трикотаж калфаклар Дон казакларында да очрый – алар калфакларны татарлардан алган дип санала.
Татар хатын-кызларында трикотаж калфаклар күптөрлелеге белән аерылып торган. Алар тулысынча бер төсле яки буй-буй итеп ясалган булган, шулай ук чигү һәм аппликацияләр белән бизәлгән. Калфакның тышкы күренеше һәм декоратив элементлары тарихи чорга карап үзгәргән. Шул ук вакытта XIX гасырда аны тегүнең нибары алты төп варианты булган.
Трикотаж, калфак һәм XIX гасырда татар халкының кием үзенчәлекләре турында өстәмә мәгълүматларны «Урамга чыкканда татар хатыны үзенең фигурасын тулысынча яшергән» подкастында белергә мөмкин. Аның авторы – этнограф Динә Гатина-Шәфыйкова.
Подкастны төрле платформаларда тыңлап була.