Этнограф Рәмзия Мөхәммәтова вафат
Россиядә этнология фәненең татар тармагына нигез салучы, татар милли киемнәрен өйрәнүче галимәгә 97 яшь иде.
(Казан, 18 ноябрь, «Татар-информ»). Кичә, 17 ноябрьдә, Казанда танылган этнограф Рәмзия Мөхәммәтова вафат булган. Аңа 97 яшь иде. Бу турыда ТНВ каналы журналист Марат Сәфәровка сылтама белән хәбәр итте.
Марат Сәфәров Россиядә этнология фәненең татар тармагына нигез салучы галимә вафаты турында социаль челтәрләрдә язган. «Казаннан күңелсез хәбәр килде. Рәмзия Мөхәммәтова татар халкы этнографиясе буенча хезмәтләр авторы, алар күптән классикага әверелде инде. Мин аның белән таныш идем, аның кунакчыл өендә дә булганым бар. Рәмзия Мөхәммәтова турында истәлекләр озак яшәр, аның китаплары яши һәм кабат нәшер ителә», — ди ул.
Татарстанда төрки-татар этнологиясе фәненең үсеш этаплары Рәмзия Мөхәммәтова исеме белән бәйле. Ул тарих фәненең төрле өлкәләрендә эшли торган профессионал тикшеренүчеләр тәрбияләгән. Мөхәммәтова — татар халкының этномәдәни тарихы һәм традицион мәдәнияте турында фундаменталь тикшеренүләр авторы. Традицион кием аның аның тикшеренүләренең төп юнәлеше була, диелә бу хәбәрдә.