Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Этнең нәселен рәсмиләштерергә уйлаган әлмәтле акчасыз калган
Полиция алдаучының кеше үтерү маддәсе буенча хөкем ителгән булуын ачыклаган.
(Әлмәт, 5 апрель, "Татар-информ", "Әлмәт таңнары"). Этенең нәсел шәҗәрәсен рәсмиләштерергә теләгән әлмәтле 12 500 сум акчасыннан колак каккан. Бу турыда җирле басма хәбәр итә.
Зыян күргән 20 яшьлек әлмәтле полиция бүлегенә мөрәҗәгать итә. Ачыкланганча, ул узган елның февраль аенда дустыннан "Стаффордшир терьеры" токымлы этне алган була.
Ә күптән түгел ул этләр үрчетү белән шөгыльләнергә уйлый һәм дустыннан сатучының телефон номерын алып, аның белән элемтәгә керә. Сатучы Мәскәүгә киткәнгә күрә алар социаль челтәрләрдә аралашалар.
Ул әлмәтлегә эткә тамга салу хезмәте 5500, ә этнең нәсел шәҗәрәсен рәсмиләштерү хезмәте 7000 сум торганын хәбәр итә. Әлмәтле исә әйтелгән сумманы алар хисабына күчерә, ләкин документлар аның кулына барып ирешми.
Полиция ачыклаганча, ул 23 яшьлек Баулы кешесе булып чыга. Моңа кадәр ул кеше үтерү маддәсе буенча хөкем ителгән була.
Кызыклы яңалыкларны күзәтеп бару өчен Телеграм-каналга язылыгыз