Казанда Җиңү көне уңаеннан ветераннар концерты булды
Бүген Казанның «Пирамида» мәдәни-күңел ачу комплексында Татарстан Республикасы ветераннары арасында «Балкыш» («Сияние») IX Республика үзешчән башкаручылар фестивале лауреатларының Бөек Җиңүенең 81 еллыгына багышланган беренче гала-концерты башланды. Анда 27 меңнән артык өлкән яшьтәге кеше катнашты.
«Шуның кадәр кешенең, бергә җыелып, җырларга һәм шигырь укырга, шулай ук күршеләренә, дусларына иҗади сәләтен күрсәтергә, хәтта моның өчен башка районнарга да барырга атлыгып торуына сокланмый мөмкин түгел. Бу - бик зур әһәмияткә ия, чөнки кем нәрсә генә әйтмәсен, кешенең яше - сан гына, аның үзен ничек хис итүе мөһим. Бүген җырларга, биергә, шигырь сөйләргә, конферанс белән шөгыльләнергә көчегез бар икән, димәк, сезнең әле барысы да алда», - диде Татарстан Республикасы Дәүләт Советы Рәисе урынбасары Юрий Камалтынов.