Икътисад 4 март 2017 11:13

Эшмәкәрлекне тикшерү өчен ак һәм кара китап алып барабыз - министр Максим Орешкин

Бу хакта Тула өлкәсендә кече һәм урта бизнес темасы буенча узган киңәшмәдә Россия Федерациясе Икътисадый үсеш министры Максим Орешкин сөйләде.

Скопировать ссылку

(Казан, 4 март, "Татар-информ"). Россия Икътисадый үсеш министрлыгы кече һәм урта бизнесны тикшерү өчен ак һәм кара китап алып бармакчы, дип яза “Российская газета”. Бу үзенә күрә тикшерүләр булмасынга ничек эшләргә турында язылган кагыйдәләр җыелмасы.

“Без ак һәм кара тикшерү китабын алып барабыз. Күзәтү органы тикшерүләр булдырмас өчен нәрсә эшләргә ярамау турында язып чыгарга тиеш. Алар, әлбәттә, каршылык күрсәтә. Әмма аларга моны эшләргә туры киләчәк”, - диде Максим Орешкин.

Тикшерү турында эшмәкәргә хәбәр итү башка новелла булачак, дип җиткерде Икътисадый үсеш министрлыгы башлыгы.

“Без Федераль салым хезмәте белән беррәттән аларның сайтларында эшмәкәргә тикшерү турында хәбәр җиткерүне кертергә телибез. Ул эшмәкәрнең шәхси кабинетында булачак. Бу революцион новелла һәм без аның эшләп китүен көтәбез”, - дип искәртте министр.

“Моннан кала кече һәм урта эшмәкәрлек оешмаларына кредит бирүче банкларның сыйфатын тикшерү системасын оештыруда да мәгънә бар. Параллель рәвештә банкның кредит бирү шартларын тикшерергә ниятлибез. “Үрнәк 6,5 программасы” буенча эшләүче банкларга стимул бирү турында да уйлаячакбыз”, - дип искәртә Максим Орешкин.

#икътисад #эшмәкәрлек #Максим Орешкин

Сәхифәләр

Эшмәкәрлекне тикшерү өчен ак һәм кара китап алып барабыз - министр Максим Орешкин