Эшләмәүче хатын-кызлар бала пособиеләрен быелдан Пенсия фондыннан ала

2021 елда социаль яклау органнарыннан пособие алган хатын-кызларга Пенсия фондына кабат гариза язуның кирәге юк.

Скопировать ссылку

(Казан, 15 февраль, «Татар-информ», Рифат Каюмов). Эшләмәүче хатын-кызларга социаль яклау органнарыннан түләнгән бала пособиеләре быелдан Пенсия фонды карамагына күчерелгән.

«Элек социаль яклау органнары түләгән пособиеләрне быелдан Пенсия фонды түли башлады. Бер мәртәбә түләнә торган йөклелек, бала табу буенча пособиеләр, балага яшь ярымга кадәр түләнә торган айлык пособиеләр турында сүз бара. Бу үзгәрешләр бары тик бала тапканчы эшләмәгән хатын-кызларга гына кагыла», — диде Татарстанның хезмәт, халыкны эш белән тәэмин итү һәм социаль яклау министры Эльмира Зарипова.

2021 елда социаль яклау органнарыннан пособие алган хатын-кызларга Пенсия фондына кабат гариза язуның кирәге юк, дип искәртте Эльмира Зарипова ТР Хөкүмәт йортында узган брифингта.

«Без пособие алучылар исемлеген Пенсия фондына тапшырдык. Бөтен түләүләр автомат рәвештә күчәчәк. Быел пособие өчен беренче мәртәбә мөрәҗәгать итүчеләргә гаризаны Пенсия фондына юлларга кирәк», — диде Эльмира Зарипова.

Сәхифәләр

Эшләмәүче хатын-кызлар бала пособиеләрен быелдан Пенсия фондыннан ала