Хәвеф-хәтәр 7 октябрь 2020 11:55

Эшчеләренә ярты миллион бурычы булган өчен «Әлмәт икмәге» башлыгына штраф салганнар

Оешманың исәп-хисап счетында акча булуга карамастан, җитәкче аларны башка максатларда тоткан.

Скопировать ссылку

(Казан, 7 октябрь, «Татар-информ»). Хезмәткәрләренә эш хакы түләү буенча ярты миллионнан артык бурычы өчен «Әлмәт икмәге» оешмасы башлыгына штраф салдылар. Бу хакта Татарстан прокурорының өлкән ярдәмчесе Руслан Галиев хәбәр итте.

Апрельдән сентябрьгә кадәр «Әлмәт икмәге» оешмасы директоры эшчеләренә хезмәт хакы түләмәгән. Оешманың исәп-хисап счетында акча булуга карамастан, җитәкче аларны башка максатларда тоткан.

«Ике айдан артык хезмәт хакы түләмәү» маддәсе буенча җинаять эше ачылган. Директор үз гаебен тулысынча таныган, аңа 75 мең сум штраф салганнар.

«Әлмәт икмәге» эшчеләренә хезмәт хаклары буенча бурычларны тулысынча түләгәннәр.

#бурыч #хезмәт хакы #Әлмәт

Сәхифәләр

Эшчеләренә ярты миллион бурычы булган өчен «Әлмәт икмәге» башлыгына штраф салганнар