Сәясәт 21 сентябрь 2016 09:46

Эрдоган Порошенкога Кырым мәсьәләсендә ярдәм итәбез дип ышандырган

Төркия һәм Украина лидерлары Нью-Йоркта БМО Генераль ассамблеясенең 71 сессиясендә очрашкан.

Скопировать ссылку

(Казан, 21 сентябрь, «Татар-информ»). Төркия Кырым мәсьәләсе буенча Украинаны хуплавын дәвам итә. Бу хакта Төркия Республикассы Президенты Рәҗәп Тайип Эрдоган Нью-Йоркта Берләшкән милләтләр оешмасы Генераль ассамблеясенең 71 сессиясендә Украина башлыгы Петр Порошенко белән очрашуда белдергән дип хәбәр итә "ТАСС" Украина Президенты матбугат хезмәтенә сылтама белән.

Аерым алганда, очрашуда Эрдоган "алга таба да Төркия Украинага мөстәкыйльлекне һәм террииториаль бөтенлекне торгызуда ярдәм итәчәк" дип белдергән.

Украина Президенты матбугат хезмәтендә шулай ук "Россия белән диалогны яңарту Төркия позициясенә йогынты ясамый" дип билгеләп үткәннәр.

Моннан тыш, яклар якын арада энергетика мәсьәләсе буенча Украина-Төркия эшче төркеме очрашуы турында килешкәннәр, шулай ук сәүдә һәм инвестицияләр мәсьәләләре буенча фикер алышканнар.

#Эрдоган #Төркия #Украина

Сәхифәләр

Эрдоган Порошенкога Кырым мәсьәләсендә ярдәм итәбез дип ышандырган