Хәвеф-хәтәр 7 август 2017 13:28

Эрдоган 2016 елда фетнәдә катнашуда гаепләнүчеләргә коңгырт төстәге кием кияргә кушкан

"Би-би-си" искәртеп узганча, узган айда гаепләнүчеләрнең берсе суд каршына "Герой" дип язулы футболкадан баскан булган.

Скопировать ссылку

(Казан, 7 август, “Татар-информ”). Төркия Президенты Рәҗәп Тайип Эрдоган 2016 елның июлендә хәрби түнтәрелеш ясауга омтылышта катнашуда гаепләнүче барлык кеше хәзер судка китерелгәндә коңгырт төстәге униформадан булырга тиеш, дип белдергән. Бу хакта , Би-би-сига сылтама белән, Интерфакс хәбәр итә.

"Би-би-си" искәртеп узганча, узган айда гаепләнүчеләрнең берсе суд каршына "Герой" дип язулы футболкадан баскан. Шуннан соң полиция тагын шундый язулы футболка кигән 30 кешене тоткарлаган.

"Яңадан судка беркем дә, башына ни килсә, шундый кием белән килмәячәк”, - дип белдергән Эрдоган.

Төркия президенты узган ел путчны оештыручыларның берсе итеп АКШта яшәүче дин әһеле Фәтхуллаһ Гүләнны саный. Июль вакыйгаларыннан тыш, Төркиядә "террористлар" дип саналучы Гүлән тарафдарлары булган кешеләр сак астында тотыла.

#Эрдоган #Төркия #төркиядә хәрби түнтәрелеш

Сәхифәләр

Эрдоган 2016 елда фетнәдә катнашуда гаепләнүчеләргә коңгырт төстәге кием кияргә кушкан