Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Җенес алыштыруны пропагандалаган өчен 1 млн сумга кадәр штраф кертергә тәкъдим иттеләр
Дәүләт Думасының дәүләт төзелеше һәм закон чыгару комитеты җенес алыштыруны пропагандалаган өчен административ җаваплылык турындагы төзәтмәне хуплады. Бу хакта «Интерфакс» агентлыгы хәбәр итә.
Төзәтмә җенес алыштыруны пропагандалаган өчен җаваплылык кертүне күздә тота. Ул җенес алыштыруның җәлеп итүчәнлеген формалаштыруга юнәлдерелгән гамәлләр кылу яки мәгълүмат тарату, яисә әлеге тематикага карата кызыксыну уята торган җенес алыштыру турында мәгълүматны көчләп тагуда чагылыш табарга мөмкин.
Моның өчен гражданнарга – 50-100 мең; вазифаи затларга – 100-200 мең; юридик затларга 800 меңнән 1 миллион сумга кадәр административ штраф яный, яки эшчәнлекләрен 90 тәүлеккә кадәр туктатырга мөмкиннәр.
Төзәтмә ЛГБТ, педофилияне пропагандалаган һәм балигъ булмаганнар арасында шундый мәгълүмат тараткан өчен җаваплылык турындагы тиешле закон проектының икенче укылышына Дәүләт Думасының мәгълүмати сәясәт комитеты рәисе Александр Хинштейн тарафыннан кертелгән.
Кызыклы яңалыкларны күзәтеп бару өчен Телеграм-каналга язылыгыз