Спорт 23 гыйнвар 2018 23:57

Эмиль Гарипов: Дүрт алка – күбрәк керттердем

"Ак Барс" капкачысы ЦСКА белән уеннан соң үз фикерен җиткерде.

Скопировать ссылку

(Казан, 23 гыйнвар, “Татар-информ”). “Ак Барс” командасы капкачысы Эмиль Гарипов ЦСКА белән уенда (6:4) үз капкасына 4 алка керттерде. Капкачы уенын берникадәр тәнкыйтькә тотты.

“Көчле көндәш белән уйнадык, яхшы матч булды. Бөтен кешегә ошарлык кызыклы уен күрсәттек. Көчле командага каршы уйнавы кыен булса да, кызык”, – диде Эмиль Гарипов.

Казан командасы капкачысы беренче ике периодта икешәр алка керттергәннән соң, өченче периодта үз капкасын “коры” калдырды. Ә керттергән бер алканы хөкемдарлар санамады.

“Анда көндәш команда уенчысы кагыйдә бозды – кәшәкәсен югары күтәрде. Өченче периодта башкачарак уйнадым, дисезме? Мин егетләрне авыр хәлгә куя алмый идем инде. Болай да дүрт алка керттердем. Бу – күп. Бар көчемә тырыштым”, – диде Гарипов.

Аның сүзләренчә, пауза вакытында рәсми уеннар булмаса да, контроль матчлар узачак. “Шулар аша плей-оффка кереп китеп булачак”, – диде Эмиль.

#Ак Барс #хоккей

Сәхифәләр

Эмиль Гарипов: Дүрт алка – күбрәк керттердем