Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Элвин Грей җәрәхәт алу сәбәпле кайбер концертларын күчерде
Татар-башкорт җырчысы Радик Юльякшин (ул күбрәк Элвин Грей тәхәллүсе белән билгеле) клип төшергән вакытта җәрәхәтләнү сәбәпле берничә концертын күчерде. Җырчы «ВКонтакте» социаль челтәрендәге сәхифәсендә шул хакта хәбәр итте.
Җырчы урнаштырган кадрларда ул идарә иткән автомобильнең әйләнеп каплануын күрергә мөмкин.
«Аңлавыгызны һәм кичерүегезне сорыйм! Дуслар, сезгә шуны әйтергә мәҗбүрмен – клип төшергән вакытта көтелмәгән хәл килеп чыкты. Концертлар графигына төзәтмә кертергә туры киләчәк», - дип хәбәр итте ул.
Җырчының гастрольләр графигында киләсе концерт – 7 апрельгә (Самара), алдагысы 9 апрельгә (Ульяновск) билгеләнгән.
31 мартта һәм 1 апрельдә Элвин Грей Чаллыда концертлар белән чыгыш ясады.
«Берничә концертны күчерергә туры киләчәк. Уңайсызлык тудырганым өчен гафу үтенәм, мине аңларсыз дип өметләнәм», - дип язган җырчы.
Кызыклы яңалыкларны күзәтеп бару өчен Телеграм-каналга язылыгыз