Елның беренче дүрт аенда Татарстанда туучылар саны кимегән
2024 елның беренче дүрт аеның йомгаклары буенча Татарстанда туучылар саны кимүе һәм үлүчеләр саны артуы теркәлгән. Бу хакта Татарстанстат республиканың социаль-икътисади торышы турында доклад әзерләгән.
Гыйнвар-апрель айларында республикада 11 019 бала туган, бу 2023 елның шул ук чоры белән чагыштырганда 519 балага азрак.
Шул ук вакытта туучылар саны кимүнең темплары акрынайган: дүрт айда ул елына карата 4,4 проценттан артыкка, ә I квартал нәтиҗәләре буенча якынча 6,7 процентка кимегән.
Төбәктә гыйнвар-апрель айларында 15 319 үлем очрагы теркәлгән – бу 2023 елның шул ук чоры белән чагыштырганда 904 очракка күбрәк. Үлүчеләр саны артуның темплары бер ай эчендә якынча 7,6 проценттан кимегән. Сабыйлар арасында үлүчеләр саны үзгәрешсез калган (35).