Эльмира Зарипова тыл хезмәтчәнен 100 яшьлек юбилее белән котлады
Татарстан Хезмәт, халыкны эш белән тәэмин итү һәм социаль яклау министрлыгы җитәкчесе Эльмира Зарипова республиканың Биектау районында Сафиннар гаиләсендә кунакта булды.
Министрлыкның матбугат хезмәте хәбәр иткәнчә, бу гаиләдә 2017 елның августыннан Шәмсируй Низаметдинова да яши. Сафиннар аны Татарстанда «Гаилә» илкүләм проектының «Өлкән буын» федераль проекты буенча гамәлгә ашырыла торган «Өлкән кеше өчен гаилә» проекты кысаларында үзләренә алган.
Шәмсируй Низаметдинова Биектау районының Казаклар авылында туа. Бөек Ватан сугышы елларында ул урман кисүче булып эшли, сугыштан соң колхозга эшкә урнаша һәм пенсиягә чыкканчы бригадир булып эшли. Шәмсируй апа - тыл хезмәтчәне, икенче группа инвалид.
Министр белән бүгенге очрашуның сәбәбе күңелле – Шәмсируй Низаметдинова 100 яшьлеген билгеләп үтә.
Үзенең бер гасырлык юбилеенда Шәмсируй апа туган көне белән котлаудан тыш, Бөек Ватан сугышында Җиңүнең 80 еллыгы уңаеннан юбилей медале һәм «Биектау районының Мактаулы гражданины» билгесен дә алды.
Әби игътибар һәм Эльмира Зариповага килеп котлаганы өчен рәхмәт белдерде. Озын гомерле ханым яңалыклары белән уртаклашты, яңа гаиләсенең аңа карата җылы һәм кайгыртучан мөнәсәбәте турында сөйләде. Шушы еллар эчендә Сафиннар олы яшьтәге кешегә якын, ә Шәмсируй апа инде тулы хокуклы һәм гаиләнең яраткан әгъзасына әверелгән.
Тәрбиягә әби алырга теләүче татарстанлылар яшәү урыны буенча Халыкка комплекслы социаль хезмәт күрсәтү үзәгенә мөрәҗәгать итә ала.
2025 елның 13 мартына булган мәгълүматлар буенча, Татарстанда 32 өлкән кешене тәрбиягә алганнар – бу өлкән яшьтәге кешеләр яши торган аз комплектлы интернат-йорт булыр иде. Әмма проект ярдәмендә алар карау гына түгел, ә өй җылысына һәм аларны яраткан чын гаиләгә ия булган.