Эльмира Зарипова: Төп максатыбыз – кешенең тормыш сыйфатын күтәрү
Скопировать ссылку
Татарстан хезмәт, халыкны эш белән тәэмин итү һәм социаль яклау министры Эльмира Зарипова Татарстан Рәисе Рөстәм Миңнехановның Дәүләт Советына юлламасында кешенең тормыш сыйфатын күтәрү мәсьәләсе әһәмиятле булуын әйтте.
«Төп максатыбыз – социаль сәясәт өлкәсендә. Ул да булса: кешенең хокукларын яклау, кешенең тормыш сыйфатын күтәрү. Моңа республикабызда гамәлгә ашырылган программалар нигезендә төрле учрежденияләргә ремонт ясау, хастаханәләрне төзекләндерү, яңа мәктәпләр төзү һ.б. керә. Статистика күрсәткәнчә, республикада эшләү һәм яшәү өчен ел саен 4 меңләп кеше килеп төпләнә», - диде ул «Татар-информ» хәбәрчесенә.