Эльмира Зарипова Татарстанда туучылар саны Россиягә караганда күбрәк булуын әйтте

Скопировать ссылку

Татарстан Республикасы хезмәт, халыкны эш белән тәэмин итү һәм социаль яклау министры Эльмира Зарипова Татарстанда туучылар коэффициенты Россиядәге гомуми санга караганда күбрәк булуын әйтте. Ул бу хакта Мәскәүдә Халык хуҗалыгы казанышлары күргәзмәсендә (ВДНХ) узучы Татарстан көне кысаларында сөйләде.

«Татарстан, беренче чиратта, ул кешеләр, кеше капиталы. Алар безнең республиканы һәм бөтен байлыкны барлыкка китерүче кешеләр, республика кешеләр хезмәте белән чәчәк ата. Кешеләр турында сөйләшкәндә, демография һәм туу мәсьәләсен дә әйтү мөһим. Гомуми тенденцияләр буенча туучылар саны кимүгә карамастан, бездәге коэффициент мең кешегә 9,1не тәшкил итә. Россия буенча ул сан 7-8», – диде министр.

Ул күрсәткечләр зур булса да, кыенлыклар булуын да әйтте.

«Безнең күрсәткеч бераз зуррак һәм Идел буе федераль округының Яхшы позициясендә, әмма шулай да без каршыбызда торган кыенлыкларга очрыйбыз», – диде Эльмира Зарипова.

Татарстан көне Халык хуҗалыгы казанышлары күргәзмәсендә (ВДНХ) «Россия» күргәзмә-форумы кысаларында үткәрелә.

Сәхифәләр

Эльмира Зарипова Татарстанда туучылар саны Россиягә караганда күбрәк булуын әйтте