Елена Вяльбе Казан югары уку йортын Россиядәге иң яхшыларның берсе дип атады
Идел буе дәүләт физик культура, спорт һәм туризм университеты – үз юнәлеше буенча илнең иң яхшы югары уку йортларының берсе. Бу фикерне университетының юбилеен бәйрәм итүдә Россия чаңгы узышлары федерациясе президенты Елена Вяльбе әйтте.
«Безнең чаңгычылар, шул исәптән Россия җыелма командасы әгъзалары да, монда рәхәтләнеп укый. Бу минем өчен югары уку йорты гына түгел, ә белем гыйбадәтханәсе. Монда искиткеч укытучылар составы һәм техник җиһазланыш. Илдә мондый университетларны бармак белән генә санарлык. Берсүзсез, ул илдәге иң яхшыларының берсе», – диде Вяльбе.
Елена Вяльбе Идел буе университетында укыта һәм әле дә монда укый. Шулай ук югары уку йорты Чаңгы узышлары федерациясе өчен дә әһәмияткә ия, чөнки монда берничә мәртәбә берләшмәнең отчет-сайлау конференцияләре узган.