Җәмгыять 15 март 2017 15:38

Электрон сигарет тартуны гадәти тәмәкегә тиңләштерүче канун проекты карала

Кулланучылар хокукларын яклау һәм кеше иминлеге өлкәсендә күзәтчелек федераль хезмәте канунның якын арада кабул ителешенә өметләнә.

Скопировать ссылку

(Казан, 15 март, «Татар-информ»). Электрон сигаретларга да чикләүләр кагылырга тиеш, дип белдергән журналистларга Кулланучылар хокукларын яклау һәм кеше иминлеге өлкәсендә күзәтчелек (Роспотребнадзор) федераль хезмәте башлыгы Анна Попова. Бу хакта ТАСС агентлыгы хәбәр итә.

"Билгеле, вэйпларга (электрон сигаретларга да) традиционнарына булган кебек үк таләпләр кулланылырга тиеш", – дигән ул "Россия бизнесы атналыгы" конференциясендә.

Аның сүзләренчә, электрон тәмәке тартуны гадәти тәмәкегә тиңләштерүче канун проекты инде Дәүләт Думасына тапшырылган. Кулланучылар хокукларын яклау һәм кеше иминлеге өлкәсендә күзәтчелек федераль хезмәте аның якын арада кабул ителүенә өметләнә.

#Тәмәке #канун

Сәхифәләр

Электрон сигарет тартуны гадәти тәмәкегә тиңләштерүче канун проекты карала