Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Ел татары – 2026» бәйгесендә тавыш бирү башлана
10 сентябрьдә «Ел татары – 2026» бәйгесендә тавыш бирү башлана. Тавышларны «Миллиард.Татар» сайтында һәм проектның социаль челтәрләрендә бирергә мөмкин булачак. Бу хакта «Татар-информ»да матбугат конференциясендә проект авторы, «Миллиард.Татар» баш мөхәррире Арслан Минвәлиев хәбәр итте.
Катнашучылар 21 номинациядә ярыша, алар арасында «Ел медиапроекты», «Елның иң яхшы спектакле», «Ел җыры», «Ел укытучысы», «Татарстан Республикасыннан читтә яшәүче иң актив татар» һәм хәтта «Ел уңышсызлыгы» номинацияләре дә бар.
Беренче этапта катнашучыларны экспертлар бәяли. Һәр номинациядә 20дән артык эксперт эшли. Алар анкета тутыралар һәм 1 дән 10 баллга кадәр билге куялар. Иң күп балл җыйган ун номинант халык тавыш бирү этабына уза.
Тавыш бирү «Ел җыры» номинациясеннән башлана. Калган номинацияләр буенча тавыш бирү ноябрьгә кадәр чиратлашып узачак. Финал тавыш бирү 12-20 ноябрьдә, ә бүләкләү тантанасы 2 декабрьдә узачак.
Яңалыкларны күзәтеп бару өчен Макс-каналга язылыгыз